პარიზის 2024 წლის ოლიმპიადაზე ძიუდოში კაცთა -90 კგ. წონით კატეგორიაში საქართველოს ღირსებას მოქმედი ოლიმპიური ჩემპიონი ლაშა ბექაური იცავს.
ქართველი 1/4 ფინალში კორეელ ჯუიოპ ჰანს დაუპირისპირდა.
ლაშამ შეხვედრა დამაჯერებლად წაიყვანა და მეტოქეს იპონიც შეუსრულა. ბექაური ოლიმპიური თამაშების 1/2 ფინალშია და ოქროს მედლის დაცვას აგრძელებს.
ბექაურმა ასპარეზობა 1/8 ფინალური ეტაპიდან დაიწყო. მისი მეტოქე პირველ შეხვედრაში ბულგარელი ივაილო ივანოვი იყო. ქართველი მალევე ვაზარით დაწინაურდა და შემდეგ ბრძოლა ბოლომდე თავის სასარგებლოდ მიიყვანა.
ლაშას მეტოქე 1/2 ფინალში ესპანეთის სახელით მოასპარეზე ტრისტან (ტატო) მოსახლიშვილი იქნება, რომელმაც ბრაზილიელი რაფაელ მასედო ვაზარით დაამარცხა.
ლაშა და ტატოს აქამდე მხოლოდ ერთი ურთიერთშეხვედრა აქვთ, 2022 წელს ბექაურმა მოსახლიშვილი ტაშკენტში დაამარცხა.
მეორე 1/2 ფინალურ წყვილში ერთმანეთს ფრანგი მაქსიმ-გაელ ნგაიაპ ჰამბუ და იაპონელი სანშირო მურაო დაუპირისპირდებიან.
ფინალური ბლოკი 18:00-ზე დაიწყება.
