ლევერკუზენის მწვრთნელმა, ჩაბი ალონსომ, ტონი კროოსის კარიერის დასრულების გადაწყვეტილებაზე ისაუბრა.
„ტონიმ სწორი გადაწყვეტილება მიიღო, მისი მესმის. მან წასვლა საუკეთესო დონეზე ყოფნისას გადაწყვიტა და გერმანიას მისით ევროზე ტკბობის საშუალება მისცა.
ის დიდებული ფეხბურთელია, ლეგენდა, მისაბაძი მაგალითი, რომელმაც უდიდესი ეპოქა შექმნა." - აღნიშნა ესპანელმა სპეციალისტმა.
შეგახსენებთ, რომ რეალში კროოსი თავის ბოლო მატჩს 1 ივნისს ჩემპიონთა ლიგის ფინალში ჩაატარებს, კარიერას კი ევრო 2024-ს შემდეგ დაასრულებს.
