ჩაიცვამს თუ არა კვარაცხელია ნაპოლიში გათავისუფლებულ 7-ნომრიან მაისურს?

ხვიჩა კვარაცხელიამ ნაპოლიში გადასვლის შემდეგ 77 ნომერი იმის გამო მოირგო, რომ მისი საყვარელი "შვიდიანი" ელიფ ელმასს ეკუთვნოდა.

თუმცა, წლის დასაწყისში ელმასმა ნაპოლი დატოვა და შვიდიანი ნაპოლიში ამ დრომდე თავისუფალია.

მიუხედავად ამისა, Geo Team იტყობინება, რომ კვარაცხელია ნაპოლიში ნომერს არ შეიცვლის და გუნდში დარჩენის შემთხვევაში, ახალ სეზონშიც 77-ნომრიანი მაისურით ითამაშებს.

ქართველს სჯერა, რომ ამ ნომრით ნაპოლიში ისტორია დაწერა და ახალი ისტორიის წერასაც სწორედ ზურგზე ორი შვიდიანით აპირებს.