ჩემპიონთა ლიგის 1/16 ფინალში პსჟ-ს მეტოქის ვინაობა გაირკვა

ჩემპიონთა ლიგის 1/16 ფინალური ეტაპის წილისყრამ ხვიჩა კვარაცხელიას პსჟ-ს მეტოქე გამოავლინა.

მერვედფინალში გასვლისთვის პარიზული გრანდი ფრანგულ ბრესტს დაუპირისპირდება. პირველი მატჩი 11/12 თებერვალს ბრესტში გაიმართება, საპასუხო კი 18/19 თებერვალს - პარიზში.

ცნობისთვის, ამ ეტაპიდან ჩემპიონთა ლიგაზე თამაში ხვიჩა კვარაცხელიასაც შეუძლია.

მერვედფინალში გასვლის შემთხვევაში, პარიზელთა მეტოქე ან ლივერპული იქნება, ან ბარსელონა - ამას უკვე 21 თებერვლის წილისყრა დაადგენს. 

კვლავ სიტი VS რეალი - ჩემპიონთა ლიგის 1/16 ფინალური წყვილები ცნობილია