ბარსელონას, პსჟ-ს და სხვა კლუბების ყოფილი მარჯვენა მცველი, დანი ალვეში, პორტუგალიური კლუბის სან ჟოაო დე ვერის შეძენაზე აწარმოებს მოლაპარაკებებს, რომელიც პორტუგალიის მე-3 დივიზიონში ასპარეზობს.
ალვეშის გეგმაა, რომ ნახევარი წლით საფეხბურთო კარიერა განაახლოს და მოედანზე გავიდეს ხოლმე. თუმცა, ამას გარდა, ის ამ კლუბში სპორტულ და ადმინისტრაციულ ფუნქციებსაც შეითავსებს.
სან ჟოაო დე ვერი 1929 წელს დაარსდა და ამ დრომდე პორტუგალიის მთავარ ჩემპიონატში არასდროს არ უთამაშია.
მარტში დანი ალვეში სექსუალური ძალადობის საქმეზე 14-თვიანი პატიმრობის შემდეგ, მტკიცებულებების ნაკლებობის გამო გაამართლეს.
ბრაზილიელის უკანასკნელი კლუბი მექსიკური პუმასი იყო, რომელიც მან 2023 წელს დატოვა.
