დონჩიჩი: "მეგონა, მთელ კარიერას აქ გავატარებდი"

ლუკა დონჩიჩმა სოციალურ ქსელში წერილი გამოაქვეყნა, რომლითაც დალასს ემშვიდობება.

"7 წლის წინ აქ როგორც თინეიჯერი მოვედი, რათა ჩემი ოცნება ამესრულებინა და კალათბურთი უმაღლეს დონეზე მეთამაშა. მეგონა, მთელ ჩემს კარიერას აქ გავატარებდი, ძალიან მინდოდა თქვენთვის ჩემპიონობა მომეტანა.

ის სიყვარული და მხარდაჭერა, რაც თქვენგან მომდიოდა იმაზე მეტია, ვიდრე ვიოცნებებდი. პატარა ბიჭისთვის, რომელიც სლოვენიიდან აშშ-ში პირველად ჩამოვიდა, თქვენ ჩრდილო ტეხასი სახლად აქციეთ.

კარგ და ცუდ დროში, ტრავმებიდან NBA-ს ფინალამდე, თქვენი მხარდაჭერა არასდროს შეცვლილა. მადლობა არა მხოლოდ საუკეთესო მომენტებში ჩემთან ერთად სიხარულის გაზიარებისთვის, არამედ იმ დახმარებისთვის, როცა ეს ყველაზე მეტად მჭირდებოდა.

ვიწყებ რა შემდეგ ნაწილს ჩემი საკალათბურთო მოგზაურობისა, ვტოვებ ქალაქს, რომელიც ყოველთვის სახლივით იქნება ჩემთვის.

დალასი განსაკუთრებული ადგილია და მავერიქსის გულშემატკივრები განსაკუთრებულები არიან. მადლობა მთელი გულით." - წერს დონჩიჩი სოციალურ ქსელში.

ლოს ანჯელეს ლეიკერსმა უკვე ოფიციალურად დაადასტურა, რომ სლოვენიელი კალათბურთელი ამიერიდან სწორედ კალიფორნიაში ითამაშებს, ენტონი დევისი კი კარიერას დალასში გააგრძელებს.

დურანტი: "ეს ყველაზე დიდი გაცვლაა მას შემდეგ, რაც ამ სპორტს ვუყურებ"