დორტმუნდმა ლაიფციგს მატჩი დაუტრიალა და ბაიერნი ერთპიროვნულად გაალიდერა

ბუნდესლიგის მე-9 ტურში დორტმუნდმა საკუთარ მოედანზე ცხრილის ერთ-ერთი ლიდერი ლაიფციგი დაამარცხა.

27-ე წუთზე შეშკოს მიერ გატანილი გოლით ლაიფციგი სტუმრად იგებდა, თუმცა ბაიერის (30') და გირასის (65') გოლებით ნური შაჰინის გუნდმა სიტუაცია თავდაყირა დააყენა და მატჩი 2:1 მოიგო.

დორტმუნდმა 16 ქულა დააგროვა და მე-5 ადგილზე გადაინაცვლა - ჩემპიონ ლევერკუზენს გუნდი მხოლოდ ბურთების სხვაობით ჩამორჩება.

თავის მხრივ, ლაიფციგმა ბუნდესლიგაში 5-მატჩიანი მოგებათა სერია შეწყვიტა, 20 ქულით დარჩა და ბაიერნი (23 ქულა) ცხრილში ერთპიროვნულად გაალიდერა.