დუბლი შემოსვლიდან 6 წუთში - კიტეიშვილი ავსტრიის ბუნდესლიგის თანაბომბარდირია

ავსტრიის ბუნდესლიგის 21-ე ტურში გრაცის შტურმი ვოლფსბერგს ესტუმრა.

გრაცელთა სათადარიგო სკამზე იყო ოთარ კიტეიშვილი, რომელიც თამაშში 67-ე წუთზე ჩაერთო. ამ დროისთვის ანგარიში მასპინძელთა სასარგებლოდ 2-0 იყო.

შემოსვლიდან ერთ წუთში ქართველმა ნახევარმცველმა პენალტი შეასრულა ზუსტად და 1 ბურთი გაქვითა, 73-ე წუთზე კი კიტეიშვილს კიდევ ერთი პენალტის დარტყმის საშუალება მიეცა, რომელიც ვერ გამოიყენა, თუმცა დამატებაზე მაინც გაიტანა და დუბლი შეასრულა.

საბოლოოდ მატჩი 2-2 დასრულდა და შტურმმა 1 ქულა ქართველის დუბლით მოიპოვა. დღევანდელ შეხვედრაში მონაწილეობა არ მიუღია გიზი მამაგეიშვილს.

შტურმს 35 ქულა დაუგროვდა და სატურნირო ცხრილში მე-2 ადგილზე იმყოფება, ლიდერ ზალცბურგთან კი ჩამორჩენა 2 ქულაა.

რაც შეეხება ბომბარდირთა დავას, ოთარ კიტეიშვილი დღევანდელი დუბლით ჰარტბერგის მოთამაშე ელიას ჰაველს გაუთანაბრდა და 10 გოლით ავსტრიის ბუნდესლიგის თანაბომბარდირია.