ჩემპიონთა ლიგის გუშინდელმა წილისყრამ საინტერესო დაპირისპირება გვაჩუქა.
მადრიდის რეალი ერთ-ერთ შეხვედრაში სტუმრად ფრანგულ ლილს დაუპირისპირდება, რომელშიც ამ ზაფხულიდან კილიან მბაპეს უმცროსი ძმა, ეთან მბაპე ასპარეზობს.
ეს კი იმას ნიშნავს, რომ კარიერაში პირველად, ძმები მბაპეები ერთმანეთს დაუპირისპირდებიან.
ამ ზაფხულამდე ორივე პსჟ-ს საკუთრება იყო, პროფესიონალურ ფეხბურთში ეთანის დებიუტიც სწორედ პარიზში შედგა, თუმცა სეზონის ბოლოს კლუბთან კონტრაქტი ამოეწურა და მან ლილს მიაშურა.
მატჩის ჩატარების ზუსტი თარიღი მოგვიანებით გახდება ცნობილი.
