ეპოქა დასრულდა - ტომპსონის ახალი გუნდი ცნობილია

გოლდენ სტეიტ უორიორსის ოფიციალური განცხადებით კლეი ტომპსონმა გუნდი დატოვა.

"კლეის მემკვიდრეობა სამუდამოა და ველოდებით იმ დღეს, როცა მის 11-ნომრიან მაისურს გავაუქმებთ." - წერია გოლდენის განცხადებაში.

ტომპსონის უორიორსიდან წასვლა ნიშნავს იმას, რომ მისი და სტეფ კარის ლეგენდარული დუეტი დაიშალა და Splash Brothers-ს ერთ გუნდში ვეღარ ვნახავთ.

ტომპსონმა გოლდენ სტეიტში 13 წელი გაატარა, რა დროშიც NBA-ს ჩემპიონი 4-ჯერ გახდა.

ის კარიერას დალას მავერიქსში გააგრძელებს, რომელთანაც 3-წლიანი კონტრაქტი გააფორმა და ამ პერიოდში 50 მილიონ დოლარს მიიღებს.

ტომპსონს დალასში ლუკა დონჩიჩი და კაირი ირვინგი ხვდებიან. დალასი NBA-ს გასულ სეზონში სუპერფინალში გავიდა, სადაც ბოსტონ სელტიკსთან სერიაში 4-1 დამარცხდა.