ვიდეო: ორლანდომ ფილადელფიას მოუგო - ბითაძემ ტრავმა მიიღო

NBA-ს რეგულარული სეზონის მატჩში ორლანდო მეჯიქი ფილადელფია სევენთისიქსერსს დაუპირისპირდა და 104-99 დაამარცხა.

პარკეტზე 12 წუთი გაატარა გოგა ბითაძემ, რომელმაც ტრავმის გამო თამაში ვეღარ გააგრძელა. ამ დროში ქართველმა 4 ქულა, 2 მოხსნა და 1 შედეგიანი გადაცემა მიითვალა.

გამარჯვებულ გუნდს ქულებში კოულ ენტონიმ ულიდერა, რომელმაც 27 ქულა ჩაიწერა აქტივში.

აღსანიშნავია, რომ მეჯიქს სერიოზული საკადრო პრობლემები შეექმნა. გუნდს ერთდროულად ფრანც ვაგნერი, მო ვაგნერი, ჯეილენ საგსი, კენტავიუს კალდველ-პოუპი, ჯეტ ჰოვარდი, გარი ჰარისი, გოგა ბითაძე და ტრისტან და სილვა ვერ ეხმარებოდნენ.

ჯერ-ჯერობით უცნობია, რა სიმძიმის ტრავმა აქვს გოგა ბითაძეს.

ორლანდო 41 მატჩში 23 მოგებით აღმოსავლეთ კონფერენციაში მე-4 ადგილზეა.