ჩემპიონთა ლიგის 1/8 ფინალის საპასუხო მატჩში ჩელსისთან 3:0 გამარჯვების შემდეგ, ხვიჩა კვარაცხელიამ უეფა-სთან კომენტარი გააკეთა.
"თავს მშვენივრად ვგრძნობ. ბედნიერი ვარ, რომ მოვუგეთ ჩელსის, რომელსაც საკმაოდ კარგი გუნდი ჰყავს და ამის გაკეთება იოლი არ ყოფილა.
რთული თამაში გამოვიდა, მაგრამ დღეს ჩვენი საღამო იყო. ჩვენი თამაში ვითამაშეთ და მნიშვნელოვანი იყო, რომ ჩვენი მაქსიმუმი გავიღეთ.
მნიშვნელოვანი იყო, რომ პირველი გოლი სწრაფადვე გავიტანეთ. ამის შემდეგ უბრალოდ ჩვენს ფეხბურთს ვთამაშობდით. პირველი რომ გაგვეშვა, რთული იქნებოდა და შეიძლება ჩვენი თამაშიც შეცვლილიყო.
ყველა მატჩში ვცდილობთ, რომ თავდაჯერება დავიბრუნოთ. დიდი სამუშაო გავწიეთ... და ასე გაგრძელება გვჭირდება, რადგან წინ კიდევ ბევრი თამაშია", - აღნიშნა კვარაცხელიამ უეფა-სთან.
პარიზში გამართული შეხვედრის მსგავსად, კვარაცხელია ლონდონში ჩატარებული მატჩის MVP გახდა.
ხვიჩას ჩემპიონთა ლიგის მიმდინარე სეზონში 11 საგოლე მოქმედება აქვს - 7 გოლი და 4 ასისტი. პირველი ქართველია, ვინც ჩემპიონთა ლიგის პლეი-ოფში გოლი გაიტანა.
VIDEO: კვარას გოლი ლონდონში - პსჟ-მ ჩელსი მეორე მატჩშიც გაანადგურა
