ესპანელი მსაჯი: "იამალზე პენალტი არ უნდა დანიშნულიყო, ის თავად წაიქცა"

ესპანელმა ექს-არბიტრმა, იტურალდე გონსალესმა, ბენფიკა - ბარსელონას მატჩში მომხდარი საკამათო ეპიზოდი შეაფასა.

მატჩის 78-ე წუთზე ლისაბონელთა კარში მე-2 პენალტი დაინიშნა, როცა საჯარიმოში ლამინ იამალი წააქციეს. თერთმეტმეტრიანი გოლად რობერტ ლევანდოვსკიმ აქცია.

იტურალდე გონსალესის აზრით, ამ ეპიზოდში ბენფიკას კარში პენალტი არ უნდა დანიშნულიყო. 

„კარერასმა იამალს უბრალოდ ხელი დაადო, მან კი ეს კონტაქტი იგრძნო და პირდაპირ დაეცა. ეს პენალტი არ არის." - აღნიშნა იტურალდემ.