ესპანეთის ნაკრების მთავარ მწვრთნელს, ლუის დე ლა ფუენტეს, დიდ სანაკრებო ტურნირებზე დამატებითი დროის ნაწილობრივი გაუქმება სურს.
დე ლა ფუენტეს აზრით, ექსტრა-ტაიმები ტურნირებზე ნახევარფინალებამდე საერთოდ არ უნდა ინიშნებოდეს და გუნდებმა პირდაპირ პენალტები უნდა შეასრულონ.
„მე მიმაჩნია, რომ რთული ტურნირების გარკვეულ ეტაპებზე შეგვიძლია დამატებით დროზე უარი ვთქვათ. არა ნახევარფინალში ან ფინალში, არამედ უფრო ადრეულ სტადიებზე.
ფეხბურთელებს ბევრი თამაშის და ბევრი წუთის ჩატარება უწევთ, თავიანთი ფიზიკური შესაძლებლობების ზღვარზე არიან, რაც სანახაობაზე ისახება. ამის დამსახურებით, მოთამაშეები უფრო დასვენებულები იქნებიან და შემდგომში ნახევარფინალი და ფინალიც უფრო საინტერესო გახდება." - აღნიშნა დე ლა ფუენტემ.
