გიორგი მიქაუტაძემ ვილიარეალში სამედიცინო შემოწმება გაიარა

Geo Team-ის ინფორმაციით, გიორგი მიქაუტაძემ ესპანეთში სამედიცინო შემოწმება რამდენიმე წუთის წინ წარმატებით დაასრულა.

ქართველი თავდამსხმელი ვილიარეალთან კონტრაქტს გააფორმებს და ფოტოსესიაც დღეს გაიმართება.

ესპანური კლუბი მიქაუტაძის სანაცვლოდ ლიონს 30 მილიონ ევროს გადაუხდის. საქართველოს ნაკრების შემტევი ყვითელ წყალქვეშა ნავთან 4-წლიან კონტრაქტს გააფორმებს.

მიქაუტაძე ვილიარეალთან ერთად ამ სეზონში ჩემპიონთა ლიგაზე ითამაშებს.

Geo Team-ის ცნობით, ქართველი ახალ გუნდში 9-ნომრიან მაისურს მოირგებს.