ჰუმელსს რომაში ჯერ ერთი წუთიც არ უთამაშია

2023/24 სეზონის დასრულების შემდეგ, მატს ჰუმელსმა დორტმუნდი დატოვა და მოგვიანებით, თავისუფალი აგენტის სტატუსით რომას შეუერთდა.

მას შემდეგ, გერმანელ მცველს ჯერ მოედანზე ერთი წუთიც კი არ აქვს გატარებული.

„ეს ჩემი ბრალიც არის. მას ნდიკას შემცვლელად მოვიაზრებ. თავის შანსებს ჰუმელსი აუცილებლად მიიღებს." - აღნიშნა რომაული კლუბის მთავარმა მწვრთნელმა, ივან იურიჩმა.

რომასთან ჰუმელსს კონტრაქტი სეზონის ბოლომდე აკავშირებს.