ილია თოფურიამ Telemadrid-ის ეთერში გამოაცხადა, რომ 28 ივნისს UFC 317-ზე იბრძოლებს.
"იმედი მაქვს, ყველას ისევ გაგახარებთ 28 ივნისს." - განაცხადა ილიამ.
კვლავ უცნობია, თუ ვინ იქნება ქართველი მებრძოლის მეტოქე მომდევნო დაპირისპირებაში.
როგორც აქამდე დაიწერა, თოფურია აუცილებლად ტიტულისთვის იბრძოლებს და მისი მეტოქე ან ისლამ მახაჩევი იქნება ან შარლზ ოლივეირა.
სხვადასხვა წყაროს ცნობით, მახაჩევის ზედა წონაში ასვლის შემთხვევაში ქამარი ვაკანტური გახდება და ილია ოლივეირას დაუპირისპირდება, ხოლო თუ ისლამი მსუბუქ დივიზიონში დარჩენას გადაწყვეტს, მაშინ ქამრის დაცვა ქართველთან მოუწევს.
