სიახლეები
სეტანტა
სპორტის გურუ
ქვიზები
2 დღის წინ · 0 წთ წასაკითხად
-
Aa
+
ფონტის ზომა
ინტერ მაიამის MLS-ის რეგულარული სეზონის ტრიუმფით დასრულების შემდეგ, როცა გუნდს Supporters Shield-ის ტიტული გადაეცემოდა, FIFA-ს პრეზიდენტმა ჯანი ინფანტინომ მოედანზე ოფიციალურად გამოაცხადა, რომ ინტერ მაიამი, როგორც 2024 წლის Supporters Shield-ის მფლობელი, 2025 წლის საკლუბო მსოფლიო ჩემპიონატზე მონაწილეობას მიიღებს.
ინტერ მაიამი ტურნირზე მასპინძელი ქვეყნის აშშ-ს ერთ-ერთი წარმომადგენელი იქნება. ტურნირიც სწორედ ინტერის თამაშით გაიხსნება, რომელიც 2025 წლის 15 ივნისს მაიმის Hard Rock Stadium-ზე გაიმართება.
FIFA-ს საკლუბო მსოფლიო ჩემპიონატზე პირველად ისტორიაში 32 გუნდი იასპარეზებს, საიდანაც 31 უკვე ცნობილია.
CONCACAF (ჩრდილოეთ ამერიკა) - ინტერ მაიამი (აშშ), მონტერეი (მექსიკა), სიეტლ საუნდერსი (აშშ), ლეონი (მექსიკა), პაჩუკა (მექსიკა)
AFC (აზია)- ალ-ჰილალი (საუდის არაბეთი), ურავა რედ დაიმონდსი (იაპონია), ალ აინი (არაბეთის გაერთიანებული საამიროები), ულსან HD (სამხრეთ კორეა)
CAF (აფრიკა) - ალ აჰლი (ეგვიპტე), ვიდადი (მაროკო), ესპერანსი (ტუნისი), მამელოდი სანდაუნსი (სამხრეთ აფრიკა)
CONMEBOL (სამხრეთ ამერიკა) - პალმეირასი (ბრაზილია), ფლამენგო (ბრაზილია), ფლუმინენსე (ბრაზილია), რივერ პლეიტი (არგენტინა), ბოკა ხუნიორსი (არგენტინა)
OFC (ოკეანეთი) - ოკლენდ სიტი (ახალი ზელანდია)
UEFA (ევროპა) - ჩელსი (ინგლისი), რეალი (ესპანეთი), მანჩესტერ სიტი (ინგლისი), ბაიერნი (გერმანია), პსჟ (საფრანგეთი), ინტერი (იტალია), პორტუ (პორტუგალია), ბენფიკა (პორტუგალია), დორტმუნდი (გერმანია), იუვენტუსი (იტალია), ატლეტიკო (ესპანეთი), ზალცბურგი (ავსტრია)
ტურნირს კიდევ ერთი გუნდი დაემატება - 2024 წლის კოპა ლიბერტადორესის (სამხრეთ ამერიკა) გამარჯვებული.
თ
თაზო ჩარკვიანი
კომენტარები