"ისლამი, მუჰამედ ალი, მესი - კიდევ ვისთან გინდა დაპირისპირება ჩემს ნაცვლად?", - ევლოევი თოფურიას იწვევს

UFC-ს ნახევრად მსუბუქი წონის მებრძოლი, მოვსარ ევლოევი, ილია თოფურიას გამოწვევას აგრძელებს.

რუსეთის სახელით მოასპარეზე მებრძოლის სტატისტიკა 19:0-ზეა. მისი აზრით, ამ წონითი კატეგორიის ჩემპიონობისთვის ბრძოლას სწორედ ის იმსახურებს და ილიას ზედა წონაში ასვლის და ისლამ მახაჩევთან ბრძოლის სურვილს ირონიულად ეხმაურება:

„კონორი, ისლამი, ხაბიბი, მეივეზერი, მუჰამედ ალი, მესი... კიდევ ვისთან გინდა დაპირისპირება, ნაცვლად შენივე დივიზიონის ერთადერთი დაუმარცხებელი მებრძოლისა?", - წერს ევლოევი პოსტში, რომელშიც ილია თოფურია მონიშნა.

თავად ქართველი მსოფლიო ჩემპიონის თქმით, მისი მომდევნო ბრძოლა უკვე პრაქტიკულად გადაწყვეტილია და საჯარო შესაძლოა უკვე მომდევნო კვირაში გახდეს.