ისტორიაში ყველაზე ტიტულოვანი - MARCA-მ მესი დააჯილდოვა

ლიონელ მესიმ ესპანური გამოცემა MARCA-სგან მაიამიში ჩატარებულ ცერემონიალზე სპეციალური ჯილდო მიიღო, რომელიც როგორც ფეხბურთის ისტორიაში ყველაზე ტიტულოვანმა (46) მოთამაშემ დაიმსახურა.

მესიმ ინტერ მაიამისთან ერთად რამდენიმე კვირის წინ MLS-ის რეგულარული სეზონის საუკეთესო შედეგით დასრულებისთვის მორიგი ტიტული მოიგო, რაც მის კარიერაში 46-ე აღმოჩნდა.

მესის სპეციალური ჯილდო MARCA-ს დირექტორმა, ხუან იგნასიო გალიარდომ გადასცა. ჯილდოს ვიზუალი სწორედ მესის საფირმო აღნიშვნით არის ინსპირირებული.