სიახლეები
სეტანტა
სპორტის გურუ
ქვიზები
-
Aa
+
ფონტის ზომა
მძიმე დღე დაუდგა საფრანგეთის ერთ-ერთ ყველაზე ისტორიულ და დიდი ტრადიციების მქონე კლუბ ბორდოს, რომელიც ცოტა ხნის წინ ფინანსური პრობლემების გამო მე-3 დივიზიონში დააქვეითეს.
ამ სასჯელის შემდეგ კლუბმა გადაწყვიტა, რომ პროფესიონალურ სტატუსზე უარი თქვას. გადაწყვეტილება უკვე აცნობეს საფრანგეთის ფეხბურთის ფედერაციას. ბორდოსთან არსებული ყველა პროფესიონალური კონტრაქტი გაწყდება და კლუბის სავარჯიშო ცენტრი დაიხურება.
ბორდო პროფესიონალური საფეხბურთო კლუბის სტატუსს 1936 წლიდან ატარებდა, დღეიდან კი დიდი ისტორია დასრულდა. კლუბი ისტორიაში 6-ჯერ გახდა საფრანგეთის ჩემპიონი, მათ შორის ბოლოჯერ 2009 წელს.
ბორდოს ღირსება სხვადასხვა დროს ალან ჟირესს, ზინედინ ზიდანს, ჟან ტიგანას, კრისტოფ დუგარის დაუცავთ.
სულ ცოტა ხნის წინ კლუბმა სენტ-ეტიენში 6 მილიონ ევროდ ზურიკო დავითაშვილი გაყიდა.
თ
თაზო ჩარკვიანი
კომენტარები