ჯოკოვიჩი პარიზის მასტერსზე ტიტულს არ დაიცავს

მსოფლიოს მეოთხე ჩოგანი ნოვაკ ჯოკოვიჩი პარიზის მასტერსზე შარშანდელ ტიტულს არ დაიცავს.

სერბი ლეგენდა ოფიციალურად მოიხსნა ტურნირიდან, რომელიც ორშაბათს, 28 ოქტომბერს დაიწყება.

37 წლის სერბი პარიზის მასტერს 2020 წლის შემდეგ პირველად გამოტოვებს, თავის კარიერაში მას ეს ტურნირი 7-ჯერ აქვს მოგებული.

ჯოკოვიჩის ნაცვლად, ტურნირზე ამერიკელი ალექს მიკელსენი ითამაშებს.

ნოვაკი სეზონის საჩემპიონო რბოლაში მე-6 ადგილს იკავებს და სეზონის შემაჯამებელ ტურნირზე მონაწილეობა ჯერ არ გაუნაღდებია.