კეინის მორიგი ჰეთ-ტრიკი - ბუნდესლიგის მე-11 ტური ბაიერნმა გამარჯვებით გახსნა

ბუნდესლიგის მე-11 ტური ბაიერნმა აუგსბურგთან გამარჯვებით გახსნა.

შეხვედრა ალიანც არენაზე გაიმართა და ვინსენ კომპანის გუნდის გამარჯვებით 3:0 დასრულდა.

სამივე გოლი ჰარი კეინმა გაიტანა, პირველი ორი პენალტით, მესამე კი - თამაშიდან.

კეინისთვის ეს კლუბისა და ნაკრების მაისურით ზედიზედ 24-ე და 25-ე ზუსტად შესრულებული პენალტი აღმოჩნდა.

ბაიერნმა 33 შესაძლოდან 29 ქულა დააგროვა და ცხრილს ერთპიროვნულად ლიდერობს, მეორე ადგილზე ლაიფციგია, რომელსაც 10 მატჩში 21 ქულა აქვს მოგროვებული.