ხამეს როდრიგესმა ლეო მესის შედეგი გააუმჯობესა

კოპა ამერიკას 1/2 ფინალში, ურუგვაისა და კოლუმბიის მატჩში, ერთადერთ გოლზე საგოლე გადაცემა 32 წლის ხამეს როდრიგესმა შეასრულა.

ტურნირის ხუთ გამართულ შეხვედრაში ფეხბურთელს უკვე 7 საგოლე კონტრიბუცია დაუგროვდა (1 გოლი და 6 საგოლე გადაცემა).

ხამესი გახდა 2011 წლის შემდეგ პირველი ფეხბურთელი, რომელმაც კოპა ამერიკაზე 6 საგოლე გადაცემის შესრულება შეძლო.

გარდა ამისა, კოლუმბიელმა ლეო მესის შედეგი გააუმჯობესა, რომელმაც კოპა ამერიკა 2021 5 საგოლე პასით დაასრულა.