Copyright © 2023 Adjarabet Arena. All Rights Reserved.
-
Aa
+
ფონტის ზომა
ავსტრიის ჩემპიონატის 31-ე ტურში შტურმი ლასკს დაუპირისპირდა. შეხვედრა 2-2 დასრულდა.
გრაცელთა მხრიდან დუბლი ოთარ კიტეიშვილმა შეასრულა. ქართველმა გოლები 30-ე და 48-ე წუთებზე გაიტანა. შტურმი 77-ე წუთამდე იგებდა და გამარჯვების შემთხვევაში ჩემპიონი დღესვე ხდებოდა, თუმცა გუნდმა 3 ქულის მოპოვება ვერ შეძლო. კიტეიშვილმა Sofascore-ის მიხედვით 8.8 შეფასება დაიმსახურა და მატჩის საუკეთესო ფეხბურთელიც გახდა.
პარალელურად კი კონკურენტმა ზალცბურგმა ჰარტბერგი 1-5 გაანადგურა.
ბოლო ტურის წინ სატურნირო ცხრილში შტურმს 41 ქულა აქვს, რედ ბულის გუნდს კი - 39. შესაბამისად მდევარ ზალცბურგს ჩემპიონობის შანსი ჯერ კიდევ რჩება.
გადამწყვეტ მატჩში გრაცელები კლაგენფურტს დაუპირისპირდებიან, ზალცბურგი კი ლასკს შეხვდება.
რაც შეეხება ოთარ კიტეიშვილს, საქართველოს ნაკრების ფეხბურთელს ავსტრიის ბუნდესლიგის მიმდინარე სეზონში უკვე 9 გოლი დაუგროვდა, მის ანგარიშზე 5 საგოლე გადაცემაცაა.
თ
თაზო ჩარკვიანი
კომენტარები