კოლბი თიქნესი - ვინ არის ალექსანდრე თოფურიას მეტოქე?

UFC 312-ზე, რომელიც 9 თებერვალს ავსტრალიის ქალაქ სიდნეიში გაიმართება, ალექსანდრე თოფურია თავის სადებიუტო ბრძოლას ავსტრალიელი კოლბი თიქნესის წინააღმდეგ ჩაატარებს.

25 წლის მებრძოლის MMA რეკორდი 7-0-0 არის. მას პროფესიონალურ კარიერაში წაგება არ აქვს. მან 3 ბრძოლა გადაწყვეტილებით, მოიგო 2 საბმიშენით და 2 ნოკაუტით.

თიქნესმა პროფესიონალური MMA-ს კარიერა 2020 წელს დაიწყო, მისი გამორჩეული ბრძოლა კი ბოლო იყო. 2024 წლის ნოემბერში ავსტრალიელმა HEX Fight Series-ის ფარგლებში მარვენ მალუნესი პირველ რაუნდში ტექნიკური ნოკაუტით დაამარცხა და ჩემპიონიც გახდა.

კოლბი თიქნესის პერსონა საინტერესო იმითაც არის, რომ ის ლეგენდარული ავსტრალიელი მებრძოლის, ალექსანდერ ვოლკანოვსკის თანაგუნდელი და სპარინგ პარტნიორია.

ასე რომ, ილია თოფურიასა და ალექს ვოლკანოვსკის ბრძოლის შემდეგ მათი გუნდების დაპირისპირებას კიდევ ერთხელ ვიხილავთ.

აქვე გთავაზობთ თიქნესის ერთ-ერთი ბრძოლის ვიდეოს, რომელიც მის მიერ შესრულებული საბმიშენით დასრულდა.