Copyright © 2023 Adjarabet Arena. All Rights Reserved.
-
Aa
+
ფონტის ზომა
იტალიელი ჟურნალისტის ფაბრიციო რომანოს ინფორმაციით, კომო 3 ტრანსფერთან დაკავშირებით შეთანხმებას მიაღწია. იტალიურ კლუბში კარიერას ნიკო პასი, მაქსიმო პერონე და სერხი რობერტო გააგრძელებენ.
ბარსელონას ყოფილი მოთამაშე სესკ ფაბრეგასის გუნდს თავისუფალი აგენტის სტატუსით უერთდება. ის ახალ კლუბთან 2-წლიან კონტრაქტს გააფორმებს.
კომო მანჩესტერ სიტის შეუთანხმდა მაქსიმო პერონეს იჯარის წესით დამატებაზეც. არგენტინელი იტალიაში მომდევნო 24 საათში ჩაფრინდება და სამედიცინო შემოწმებას გაივლის. კონტრაქტში გამოსყიდვის უფლება არ იქნება გათვალისწინებული.
კომომ შეთანხმება რეალთანაც მიაღწია ნიკო პასის შესახებ. არგენტინელის სანაცვლოდ რეალი 6 მილიონ ევროს მიიღებს, მომდევნო ტრანსფერიდან კი 50%-იანი სარგებელი ექნება. ასევე მადრიდელებს პასის უკან გამოსყიდვა შეეძლებათ.
სერია ა-ში ახლად აღზევებულმა კლუბმა ზაფხულის სატრანსფერო ფანჯარაზე საკმაოდ იაქტიურა. კომომ უკვე ოფიციალურად დაიმატა რაფა ვარანი, ანდრეა ბელოტი, ალბერტო მორენო, პეპე რეინა და სხვა მოთამაშეები.
თ
თაზო ჩარკვიანი
კომენტარები