კოპა ამერიკა 2024 კულმინაციას უახლოვდება. 15 ივლისს (04:00) მაიამიში ფინალური მატჩი გაიმართება, სადაც ერთმანეთს არგენტინისა და კოლუმბიის ნაკრებები დაუპირისპირდებიან.
ცნობილი გახდა, რომ მატჩის შესვენებაზე შოუ გაიმართება, სადაც პოპულარული კოლუმბიელი მომღერალი შაკირა იმღერებს.
ტრადიციულად საფეხბურთო ფინალები მატჩის დასაწყისში იხსნება ხოლმე სხვადასხვანაირი პერფორმანსით, შესვენებაზე შოუ კი ფეხბურთისთვის ახალი ამბავია, თუმცა უნდა გავიხსენოთ, რომ კოპა ამერიკა აშშ-ში ტარდება, სუპერბოულის შესვენების შოუ კი წლის ერთ-ერთი ყველაზე პოპულარული ღონისძიებაა სპორტში.
როგორია კოპა ამერიკას ფინალისტების სტატისტიკა ტურნირის გადამწყვეტ მატჩებში?
