კოპა ამერიკა 2024-ს მეორე 1/2 ფინალში საქმეს ურუგვაის და კოლუმბიის ნაკრებები გაარკვევენ.
ურუგვაი - კოლუმბია [04:00]
მარსელო ბიელსამ ურუგვაიში საკმაოდ ძლიერი და კონკურენტუნარიანი კოლექტივი შეკრა, რომელიც ტურნირის დასაწყისშივე არგენტინის შემდეგ მეორე მთავარ ფავორიტად მოიაზრებოდა. ხოლო მას შემდეგ, რაც გუნდმა ბრაზილია გამოთიშა ასპარეზს, მითუმეტეს.
მართალია, ურუგვაიმ ბრაზილიას ძირითად დროში ვერ მოუგო, მაგრამ პენალტების სერიაში მეტოქეზე დამაჯერებელი აღმოჩნდა და ნახევარფინალში სრულიად დამსახურებულად გავიდა.
არგენტინის მსგავსად, ურუგვაელებმა ჯგუფი 100%-იანი შედეგით დაასრულეს - პირველ ტურში 3:1 პანამას მოუგეს, შემდეგ ბოლივია გაანადგურეს (5:0), ბოლო ტურში კი მასპინძელი აშშ დატოვეს ტურნირს მიღმა (1:0).
რაც შეეხება კოლუმბიას, გუნდმა ჯგუფი 7 ქულით დაასრულა და ბრაზილია მე-2 ადგილზე გაუშვა, რის გამოც სელესაო პლეი-ოფის პირველივე ეტაპზე ურუგვაის შეხვდა.
ხამეს როდრიგესი რომ რეინკარნაციას გადის ამას გაიგებდით - ვეტერან შემტევს 1 გოლთან ერთად ამ კოპაზე 4 საგოლე პასიც დაუგროვდა და ის თავისი ნაკრების მთავარი ლიდერია.
პირველ ტურში კოლუმბიამ პარაგვაის 2:1 მოუგო, შემდეგ კოსტა რიკა 3:0 გაანადგურა, ბოლო ტურში კი, როცა ბრაზილიას პირველი ადგილისთვის მოგება სჭირდებოდა, ტიტულოვან მეტოქეს არაფერი დაუთმო და ფრეც ეთამაშა (1:1).
კოლუმბიისა და ურუგვაის ურთიერთშეხვედრეის ისტორია 37 მატჩს ითვლის, საიდანაც ურუგვაელებმა 17 მოიგეს, 11-ჯერ დამარცხდნენ და 10 ფრე ითამაშეს.
უკანასკნელი დაპირისპირება 2023 წელს, მსოფლიოს შესარჩევზე შედგა და ფრედ 2:2 დასრულდა. საერთოდაც, გუნდებმა ძირითად დროში ბოლო 3 მატჩი ფრედ დაასრულეს. ურუგვაის ბოლო გამარჯვება 2020-ით თარიღდება (3:0), კოლუმბიამ კი უკანასკნელად 2014 წლის მსოფლიოზე იმარჯვა (2:0).
ურუგვაიმ უკანასკნელად კოპა ამერიკას ფინალი 2011 წელს ითამაშა, როცა პარაგვაისთან 0:3 განადგურდა. ბოლო გამარჯვება კი გუნდმა 1995-ში მოიპოვა, როცა ბრაზილიას პენალტებში 5:3 აჯობა.
კოლუმბია ბოლოს ფინალში 2001-ში იყო და მექსიკას 1:0 მოუგო.
სავარაუდო შემადგენლობები
ურუგვაი: როჩეტი, ვარელა, ხიმენესი, ოლივერა, ვინა, ვალვერდე, უგარტე, პელისტრი, დე ლა კრუსი, არაუხო, ნუნიესი.
მატჩს ბრაზილიასთან მატჩში მიღებული ტრავმის გამო ბარსელონას მცველი, რონალდ არაუხო გამოტოვებს.
კოლუმბია: ვარგასი, მუნიოსი, სანჩესი, კუესტა, მოხიკა, რიოსი, ლერმა, არიასი, როდრიგესი, კორდობა, დიასი.
