ევრო 2024-ის გახსნით მატჩში მასპინძელი გერმანიის ნაკრებიდან რამდენიმე ფეხბურთელს გამორჩეული თამაში ჰქონდა - ჯამალ მუსიალას, კაი ჰავერცს, ფლორიან ვირცს.
თუმცა ცალკე აღნიშვნის ღირსია ტონი კროოსი, რომელიც კარიერის ბოლო მატჩებს ევროპის ჩემპიონატზე ატარებს.
გერმანელმა ნახევარმცველმა შოტლანდიასთან მატჩში საოცარი სტატისტიკა დააფიქსირა.
მას თამაშის განმავლობაში ბურთთან 108 შეხება ჰქონდა, მისი 102 პასიდან კი 101 ზუსტი იყო (99%-იანი სიზუსტე).
კროოსის კარგმა თამაშმა მნიშვნელოვნად განსაზღვრა გერმანელთა უპირატესობა, განსაკუთრებით პირველ ტაიმში.
ასე რომ, მაესტრო ტონი კარიერას საოცარ ფორმაში ასრულებს.
ევრო 2024 - გახსნითი მატჩის ფოტოისტორია
