კვარა და პსჟ ვილა პარკს ესტუმრებიან, ბარსა დორტმუნდს ეწვევა

უეფას ჩემპიონთა ლიგის 1/4 ფინალურ ეტაპზე განმეორებითი მატჩები გაიმართება და ოფიციალურად ცნობილი გახდება ნახევარფინალისტების ვინაობა.

დორტმუნდი - ბარსელონა (23:00)

სახლში 4-0 დამაჯერებელი გამარჯვების შემდეგ ბარსელონა სიგნალ იდუნა პარკზე დორტმუნდს ეწვევა და შეეცდება ზედმეტი გართულებების გარეშე 1/2 ფინალის საგზური ოფიციალურად გაიფორმოს.

VIDEO: შემტევი ტრიო შეუჩერებელია - ბარსელონამ დორტმუნდი გაანადგურა და წყვილში ინტრიგა მოკლა

ჩემპიონატის მატჩში ბორუსია ალიანც არენაზე ბაიერნს ესტუმრა და იქიდან ქულა წამოიღო (2-2), ბარსელონამ კი გასვლაზე ლეგანესი მინიმალური სხვაობით 0-1 დაამარცხა და მნიშვნელოვანი 3 ქულა მოიპოვა.

სავარაუდო შემადგენლობები [uefa.com]

დორტმუნდი - კობელი; ზულე, ჩანი, ანტონი; რიერსონი, ნმეჩა, სვენსონი, ჩუკვუემეკა, გროსი; ბეიერი, გირასი

ბარსელონა - შესნი; კუნდე, კუბარსი, ინიგო მარტინესი, მარტინი; დე იონგი; ლოპესი, პედრი; იამალი, ლევანდოვსკი, რაფინია

მატჩის მთავარი არბიტრი იტალიელი მაურიციო მარიანი იქნება, რომელმაც ლიგის ამ სეზონში 6 მატჩი განსაჯა.

ლილი 1-0 რეალი (7 ყვითელი ბარათი, 1 პენალტი)
მან. სიტი 5-0 სპარტა პრაღა (2 ყვითელი ბარათი, 1 პენალტი)

ლაიფციგი 2-3 ასტონ ვილა (3 ყვითელი ბარათი)
ჟირონა 1-2 არსენალი (6 ყვითელი ბარათი, 2 პენალტი)
მონაკო 0-1 ბენფიკა (5 ყვითელი ბარათი, 1 მეორე ყვითელი ბარათი)
პსჟ 3-1 ასტონ ვილა (1 ყვითელი ბარათი)

ასტონ ვილა - პსჟ (23:00)

პარიზში 3-1 მარცხის შემდეგ ბირმინგემელები ვილა პარკზე შეეცდებიან ორმატჩიანი დუელის სცენარი თავის სასარგებლოდ მოატრიალონ, თუმცა პსჟ სხვა აზრზეა და გეზი 1/2 ფინალისკენ აქვს აღებული.

VIDEO: კვარას შედევრი და დამაჯერებლად დამარცხებული ვილა - პსჟ ინგლისში კარგი უპირატესობით ჩავა

ხვიჩა კვარაცხელია შეეცდება პირველ შეხვედრაში გატანილ გოლს კიდევ დაამატოს საგოლე მოქმედებები და პარი სენ-ჟერმენის მიუნხენისკენ მიმავალ გზაზე თავისი კვალი დატოვოს.

გასულ უქმეებზე ასტონ ვილამ სტუმრად საუთჰემპტონი 0-3 დაამარცხა, ლუის ენრიკეს გუნდმა კი ლიგა 1-ში დაისვენა და მეორე მატჩისთვის მოსამზადებლად მეტი დრო ჰქონდა.

სავარაუდო შემადგენლობები [uefa.com]

ასტონ ვილა - მარტინესი; ქეში, კონსა, მინგსი, დინი; კამარა, ტილემანსი; როჯერსი, მაკგინი, რაშფორდი; უოტკინსი

პსჟ - დონარუმა; ჰაკიმი, მარკინიოსი, პაჩო, ნუნუ მენდეში; ჟოაო ნევეში, ვიტინია, ფაბიან რუისი; დუე, დემბელე, კვარაცხელია

აღნიშნულ შეხვედრას ესპანელი ხოსე მარია სანჩეს მარტინესი განსჯის, რომელიც ჩემპიონთა ლიგის ამ სეზონში მთავარი არბიტრი 6 შემთხვევაში იყო.

დორტმუნდი 7-1 სელტიკი (4 ყვითელი ბარათი, 2 პენალტი)

სლოვანი 2-3 მილანი (5 ყვითელი ბარათი, 1 მეორე ყვითელი ბარათი)

ბრესტი 1-0 პსვ (6 ყვითელი ბარათი)

მან. სიტი 3-1 ბრიუგე (0 ბარათი)

ფეიენოორდი 1-0 მილანი (3 ყვითელი ბარათი)

დორტმუნდი 1-1 ლილი (2 ყვითელი ბარათი)