კვარაცხელია ლიგა 1-ის ტურის თერთმეტეულში მოხვდა

საფრანგეთის ლიგა 1-ის ოფიციალურმა გვერდმა მე-19 ტურის სიმბოლური თერთმეტეული გამოაქვეყნა, რომელიც გულშემატკივართა ხმებით გამოვლინდა.

სადებიუტო მატჩის შემდეგ ტურის გუნდში მოხვდა ხვიჩა კვარაცხელია. ქართველმა რეიმსთან მატჩში საგოლე გადაცემა მიითვალა.

ხვიჩასთან ერთად გუნდში პსჟ-ს კიდევ 3 ფეხბურთელია - მენდეში, დუე და დემბელე.

სიმბოლური გუნდი ასე გამოიყურება: ლოპესი (ნანტი); ფრანკოვსკი (ლანსი), დანტე (ნიცა), მედინა (ლანსი), მენდეში (პსჟ); დუე (პსჟ), სანტოსი (სტრასბურგი), აკლიუში (მონაკო); დემბელე (პსჟ), გესანი (ნიცა), კვარაცხელია (პსჟ).