ლაუტარო ბარსაში? - ინტერის პოზიცია

მიუხედავად ესპანური მედის მხრიდან გავრცელებული ბოლოდროინდელი ჭორებისა, ინტერის კაპიტანი, ლაუტარო მარტინესი კლუბს არ დატოვებს.

Sky Sport-ის ინფორმაციით, ბარსელონას, რომელიც თავდასხმის ხაზის გაძლიერებას ცდილობს მას შემდეგ, რაც ატლეტიკომ ხულიან ალვარესი არ გაყიდა, ინტერისთვის ოფიციალური შეთავაზებით არ მიუმართავს.

ინტერის ხელმძღვანელობა არგენტინელ ფორვარდს „გაუყიდავად“ მიიჩნევს და მასთან გამომშვიდობებას არ გეგმავს.

ლაუტარო მარტინესი მილანურ კლუბში 2018 წლიდან თამაშობს, რა პერიოდშიც მან 376 მატჩში 175 გოლი გაიტანა და ახლა კაპიტნის სამკლავურით მზად არის ინტერის რიგებში მეცხრე სეზონი დაიწყოს.

შეგახსენებთ, რომ მარტინესის მიმდინარე კონტრაქტი ინტერთან 2029 წლამდეა ძალაში.