ლივერპული მამარდაშვილის შეძენას სერიოზულად განიხილავს

იტალიელი ჟურნალისტი ფაბრიციო რომანო ავრცელებს ინფორმაციას, რომლის მიხედვითაც ლივერპული სერიოზულად განიხილავს გიორგი მამარდაშვილის შეძენის შესაძლებლობას 30 მილიონ ევროდ და შემდეგ მის გაშვებას იჯარის წესით.

ჯერ-ჯერობით საბოლოო გადაწყვეტილება მიღებული არ არის, მაგრამ საუბარი გრძელდება და ყველაფერი ლივერპულზეა დამოკიდებული.

ქართველი მეკარე თანახმაა, რომ ლივერპულში გადავიდეს და შემდეგ იჯარის წესით სხვაგან ითამაშოს, როგორც ამას ესპანური Relevo იტყობინება.

ლივერპულის ძირითად მეკარედ მომავალ სეზონში ბრაზილიელი ალისონი განიხილება. მამარდაშვილის შეძენა კი მერსისაიდელთა მხრიდან მომავლის ტრანსფერად არის მიჩნეული.