ლივერპულმა გეჰის ტრანსფერზე დაიწყო მუშაობა

ლივერპულმა კრისტალ პალასის და ინგლისის ნაკრების მცველის, მარკ გეჰის ტრანსფერზე დაიწყო მუშაობა.

ფაბრიციო რომანოს ინფორმაციით, მერსისაიდული კლუბი ევრო 2024-ზე გეჰის თამაშით კმაყოფილი დარჩა და ამ ზაფხულს მისი ტრანსფერის გაჩარხვას შეეცდება.

გეჰიმ ყველა მატჩი ინგლისის სასტარტოში დაიწყო, ერთადერთი მატჩი მან შვეიცარიასთან 1/4 ფინალში, დისკვალიფიკაციის გამო გამოტოვა. 

24 წლის მარკ გეჰი ჩელსის საფეხბურთო სკოლის აღზრდილია და კრისტალ პალასში 2021 წლიდან ასპარეზობს, Transfermarkt მას 38 მილიონ ევროდ აფასებს.