ლივერპულმა ლიდერობა დაიბრუნა

პრემიერ ლიგის 31-ე ტურში ლივერპულმა საკუთარ კედლებში შეფილდს მოუგო.

შეხვედრა ენფილდზე გაიმართა და მასპინძელთა გამარჯვებით 3:1 დასრულდა.

 

ნუნიესის გოლით მასპინძლებმა პირველი ტაიმი 1:0 მოიგეს, თუმცა 58-ე წუთზე ბრედლიმ ბურთი საკუთარ კარში ჩაჭრა და ანგარიში გათანაბრდა.

 

76-ე წუთზე ალექსის მაკ ალისტერმა საჯარიმოს გარედან ყუმბარისებული დარტყმით გაახვია ბურთი ბადეში და მერსისაიდელები კვლავ წინ გაიყვანა, წერტილი კი კოდი გაკპომ 90-ე წუთზე, რობერტსონის პასით დასვა.

 

ლივერპულმა პრემიერ ლიგაში ზედიზედ მეორე მატჩი მოიგო, 70 ქულა დააგროვა და სატურნირო ცხრილში ლიდერობა დაიბრუნა. არსენალი 68 ქულით მეორეა, სიტი კი 67-ით მესამე.

 

მომდევნო ტურში კლოპის გუნდი სტუმრად მან იუნაიტედს დაუპირისპირდება, არსენალი გასვლაზე ბრაიტონს შეხვდება, სიტი კი ასევე გასვლით მატჩში კრისტალ პალასს ეწვევა.