მანჩესტერი თავისუფალია - ტენ ჰაგის წასვლის შემდეგ პირველ მატჩში, იუნაიტედმა ლესტერი გაანადგურა

ინგლისის კარაბაო თასის 1/8 ფინალში მანჩესტერმა საკუთარ მოედანზე ლესტერი გაანადგურა.

შეხვედრა ოლდ ტრაფორდზე გაიმართა და მასპინძელთა გამარჯვებით 5:2 დასრულდა.

ეს იყო პირველი შეხვედრა, რომელიც გუნდმა ერიკ ტენ ჰაგის გაშვების შემდეგ ჩაატარა - მატჩზე მანჩესტერი დროებითმა მწვრთნელმა, რუუდ ვან ნისტელროიმ გაიყვანა, რომლისთვისაც დიდი შანსია ეს ამავდროულად ბოლო მატჩიც ყოფილიყო.

პირველ ტაიმში მაყურებელმა 6 გოლი იხილა - კაზემირომ დუბლი შეასრულა (განსაკუთრებით ლამაზი მისი პირველი გოლი გამოვიდა), თითო გოლი კი ბრუნომ და გარნაჩომ შეაგდეს. ლესტერის რიგებში გოლები ალ ხანუსმა და კოადიმ გაიტანეს - 4:2.

მეორე ნახევარში კი წერტილი ბრუნომ დასვა, რომელმაც ასევე დუბლი მიითვალა და საბოლოო ანგარიში დააფიქსირა.

ამრიგად, მანჩესტერმა მხიარულ თამაშში იმარჯვა და 1/4 ფინალში გავიდა, სადაც დიდი ალბათობით მას უკვე ახალი მწვრთნელი, რუბენ ამორიმი გაიყვანს.