მანჩესტერმა აპელაცია მოიგო - ბრუნოს სასჯელი გაუქმდა

მანჩესტერ იუნაიტედმა ბრუნო ფერნანდეშის ტოტენჰემთან მატჩში გაძევება გაასაჩივრა. კლუბმა აპელაცია მოიგო და პორტუგალიელის წითელი ბარათი გაუქმდა.

ბრუნოს წითელი ბარათის გამო 3-მატჩიანი დისკვალიფიკაცია ემუქრებოდა, თუმცა მანჩესტერის ნახევარმცველი გუნდის შემდეგ თამაშებს აღარ გამოტოვებს და ის ერიკ ტენ ჰაგის განკარგულებაში იქნება.

პრემიერ ლიგის მე-6 ტურში ოლდ ტრაფორდზე გამართულ შეხვედრაში კრის კავანამ 42-ე წუთზე ჯეიმს მედისონთან უხეში თამაშის გამო ბრუნოს პირდაპირ წითელი ბარათი უჩვენა.

ეს გადაწყვეტილება ექსპერტებსა და გულშემატკივრებში კამათის საფუძველი გახდა და ბევრისთვის პირდაპირ გაძევება ზედმეტად მკაცრი სასჯელი იყო.

კაცნაკლული წითელი ეშმაკები ტოტენჰემთან 0-3 დამარცხდნენ. გუნდი 7 ქულით მე-13 ადგილზეა, მომდევნო მატჩი ტენ ჰაგის შეგირდებს ასტონ ვილასთან გასვლაზე ელოდებათ.

გაინტერესებს, სად შეგიძლია ფეხბურთის ყურება ლაივ რეჟიმში? დააკლიკე ბმულს და უყურე პრემიერ ლიგის მატჩებს უფასოდ.