მბაპეს ტრავმა დადასტურდა - რამდენ მატჩს გამოტოვებს ფრანგი?

კილიან მბაპემ ალავესთან მატჩი დისკომფორტის გამო დატოვა. როგორც გაირკვა, ფრანგ ფეხბურთელს მარცხენა ფეხზე ბარძაყის კუნთი აწუხებდა.

დღეს მბაპემ სამედიცინო შემოწმება გაიარა და მისი ტრავმის სიმძიმე გაირკვა. კილიანი თამაშს 3 კვირის განმავლობაში ვერ შეძლებს.

მოთამაშე რეალს ატლეტიკოსთან, ლილთან და ვილიარეალთან შეხვედრებში ვერ დაეხმარება, შემდეგ კი სანაკრებო შესვენება მოდის და სავარაუდოდ, მას საფრანგეთის ნაკრებშიც ვერ ვიხილავთ.

ლა ლიგაში ჩატარებული 7 ტურის შემდეგ რეალს 17 ქულა აქვს და სატურნირო ცხრილში მე-2 ადგილზეა, თავად მბაპეს ანგარიშზე კი 5 გოლი და 1 საგოლე გადაცემაა.

55 წამში გართულებული მატჩი - რეალმა ნაადრევად დაიძინა და კინაღამ გამარჯვება გაანიავა