მოდრიჩს რეალში დარჩენა სურს

მადრიდის რეალის 39 წლის კაპიტანს გუნდში დარჩენა სურს.

როგორც Relevo იტყობინება, ფეხბურთელს რეალთან კონტრაქტის კიდევ ერთი წლით გახანგრძლივება სურს. საბოლოო გადაწყვეტილებას მხარეები მაისში მიიღებენ.

ამ სეზონში მოდრიჩი უკვე გახდა რეალის ისტორიაში ყველაზე ასაკოვანი ფეხბურთელი, რომელსაც ამ გუნდის მაისურით უთამაშია - აქამდე ამ წოდებას ფერენც პუშკაში ატარებდა.

ხორვატის გეგმით, ის რეალში კიდევ ერთი სეზონით დარჩება, 2026 წლის მუნდიალზე მიიღებს მონაწილეობას და ამის შემდეგ კარიერასაც დაასრულებს.