მშვიდად და აუღელვებლად - მოქმედი ჩემპიონი მეოთხედფინალშია

ჩემპიონთა ლიგის საპასუხო მერვედფინალში მანჩესტერ სიტიმ კოპენჰაგენი დამაჯერებლად დაამარცხა.

 

შეხვედრა ეტიჰადზე გაიმართა და მასპინძელთა გამარჯვებით 3:1 დასრულდა.

 

მატჩის ოთხივე გოლი პირველ ტაიმში გავიდა - მე-5 და მე-9 წუთებზე აკანჯიმ და ალვარესმა თუ რაიმე ინტრიგა არსებობდა ისიც დაასამარეს. 

 

29-ზე ელინუსიმ ერთი ბურთი გაქვითა, თუმცა ტაიმის მიწურულს ერლინგ ჰალანდმა თავისი გოლი შეაგდო და როგორც მოგვიანებით აღმოჩნდა, საბოლოო ანგარიშიც დააფიქსირა.

 

ამრიგად, ორივე მატჩი სიტიმ ერთნაირი ანგარიშით (3:1) მოიგო, ორი მატჩის ჯამში 6:2 იმარჯვა და შემდეგ ეტაპზე დამაჯერებლად გავიდა.