უეფას ევროტურნირებისა და ტოპ ჩემპიონატების სეზონი დასრულდა, თუმცა საკლუბო ფეხბურთის მოყვარულებს წინ კიდევ ერთი ტურნირი ელოდებათ - FIFA-ს მსოფლიო საკლუბო ჩემპიონატი.
ტურნირი 14 ივნისიდან 13 ივლისის ჩათვლით ამერიკის შეერთებულ შტატებში გაიმართება, ახალ ფორმატში კი მონაწილეობას 32 გუნდი მიიღებს, რომელიც 8 ჯგუფში განაწილდა, ჯგუფებიდან კი 2-2 საუკეთესო გუნდი გავა.
ტურნირზე კონფედერაციების საუკეთესო გუნდები ითამაშებენ (მთავარი საკლუბო ტურნირების გამარჯვებულები და 4-წლიანი რეიტინგის მიხედვით საუკეთესოები)
კონფედერაციების მიხედვით გუნდების კვოტა ასე განაწილდა:
AFC (აზია) - 4 გუნდი
CAF (აფრიკა) - 4 გუნდი
CONCACAF (ჩრდილო და ცენტრ. ამერიკა) - 4 გუნდი
CONMEBOL (სამხრეთ ამერიკა) - 6 გუნდი
OFC (ოკეანეთი) - 1 გუნდი
UEFA (ევროპა) - 12 გუნდი
მასპინძელი - 1 გუნდი
ჩატარების ადგილები
მატჩები 11 ქალაქის 12 სტადიონზე გაიმართება - ფილადელფია, ვაშინგტონი, სიეტლი, პასადენა, ცინცინატი, შარლოტი, ატლანტა, მაიამი, ნეშვილი, ორლანდო (2 სტადიონი) და ნიუ ჯერსი.
მსოფლიო საკლუბო ჩემპიონატი 14 ივნისს მასპინძელი ინტერ მაიამისა და ეგვიპტური ალ აჰლის მატჩით გაიხსნება. შეხვედრა მაიამის ჰარდ როკ სთედიუმზე გაიმართება. ტურნირის ფინალი კი 13 ივლისს ნიუ ჯერსიში, მეტლაიფ სთედიუმზე შედგება.
ჯგუფები:
A - პალმეირასი (ბრაზილია), პორტუ (პორტუგალია), ალ აჰლი (ეგვიპტე), ინტერ მაიამი (აშშ)
B - პსჟ (საფრანგეთი) , ატლეტიკო (ესპანეთი), ბოტაფოგო (ბრაზილია), სიეტლ სანდერსი (აშშ)
C - ბაიერნი (გერმანია), ოკლენდ სიტი (ახალი ზელანდია), ბოკა ხუნიორსი (არგენტინა), ბენფიკა (პორტუგალია)
D - ფლამენგო (ბრაზილია), ესპერანს დე ტუნისი (ტუნისი), ჩელსი (ინგლისი), ლოს ანჯელეს FC (აშშ)
E - რივერ პლეიტი (არგენტინა), ურავა რედ დაიმონდსი (იაპონია), მონტერეი (მექსიკა), ინტერი (იტალია)
F - ფლუმინენსე (ბრაზილია), დორტმუნდი (გერმანია), ულსანი (სამხრეთ კორეა), მამელოდი სანდაუნსი (სამხრეთ აფრიკა)
G - მანჩესტერ სიტი (ინგლისი), ვიდადი (მაროკო), ალ აინი (ემირატები), იუვენტუსი (იტალია)
H - რეალი (ესპანეთი), ალ ჰილალი (საუდის არაბეთი), პაჩუკა (მექსიკა), ზალცბურგი (ავსტრია)
საპრიზო თანხა
ტურნირის საპრიზო ფონდი 1 მილიარდი დოლარი იქნება, რომელიც 32 კლუბზე განაწილდება, კლუბებს შორის მსოფლიო ჩემპიონი კი 125 მილიონ დოლარს მიიღებს.
სპორტული პერფორმანსისთვის 457 მილიონი დოლარია გამოყოფილი.
ჯგუფური ეტაპი (3 მატჩი): +2 მლნ. დოლარი მოგებაზე; +1 მლნ. დოლარი ფრეზე.
1/8 ფინალი: +7.5 მლნ. დოლარი
1/4 ფინალი: + 13.125 მლნ. დოლარი
1/2 ფინალი: +21 მლნ. დოლარი
ფინალისტი: +30 მლნ. დოლარი
გამარჯვებული: +40 მლნ. დოლარი
ტურნირზე მონაწილეობისთვის კი გუნდები 525 მილიონ დოლარს მიიღებენ.
ევროპა - 12.81-38.19 მლნ. დოლარი (რეიტინგის მიხედვით)
სამხრეთ ამერიკა - 15.21 მლნ. დოლარი
ჩრდილო, ცენტრალური ამერიკა - 9.55 მლნ. დოლარი
აზია და აფრიკა - 9.55 მლნ. დოლარი
ოკეანეთი - 3.58 მლნ. დოლარი
