-
Aa
+
ფონტის ზომა
მილიარდიანი აუდიტორიის მისაზიდად, ახალ ვიდეორგოლებში სპორტისა და კინოს უმსხვილესი ვარსკვლავები გაერთიანდნენ.
ვიდეორგოლი აქცენტს ფეხბურთის ყურებისას გამოწვეულ ემოციებსა და ხმებზე აკეთებს, რასაც ლეგენდარული კომენტატორის, პიტერ დრურის ხმა აფორმებს.
ელვის პრესლის მუსიკის ფონზე, ლუდის წვიმაში მყოფი დევიდ ბექჰემი საოცარ სიმშვიდეს ინარჩუნებს და პროდუქტის გემოთი ტკბება.
ამერიკული სპორტული ფანობის ტრადიციული გარემო - ბარბექიუ და ბარები. რეკლამაში ეპიზოდურ როლს აშშ-ის ნაკრების ლეგენდარული მეკარე, ტიმ ჰაუარდიც ასრულებს.
იურგენ კლოპი ფანების გიჟურ სამყაროში ეშვება, სადაც არგენტინელი გულშემატკივრები ქუჩაში თხას ატარებენ, ერლინგ ჰალანდი კი ეპიზოდურად ჩნდება.
დევიდ ბექჰემი, მოჰამედ სალაჰი, ვინისიუს ჯუნიორი და ცნობილი შეფ-მზარეული გორდონ რემზი ქმნიან წარმოსახვით საფეხბურთო ქვეყანას, სადაც წესებს ფანები ადგენენ.
ლამინ იამალი, ფლორიან ვირცი და ლიონელ მესი ამერიკული ტურნირისთვის ემზადებიან. ვირცი ჰოკეის მეკარეს უვლის გვერდს, იამალი კოვბოის ქუდით მექანიკურ ხარს ათვინიერებს, მესი კი ბოულინგში აგროვებს სტრაიკებს თავისი ჯადოსნური მარცხენათი.
კომიკოსი უილ ფერელი ამერიკის ქუჩებში მოგზაურობს და ხალხს ფეხბურთის სიყვარულს აფიცებს. რეკლამაში ამერიკული ფეხბურთის ლეგენდა მარშონ ლინჩი და დევიდ ბექჰემიც ჩნდებიან.
კრიშტიანუ რონალდუ, კილიან მბაპე, ვინისიუსი და ლიონელ მესი მრგვალ მაგიდასთან სხედან და ლეგოს კუბიკებით მსოფლიო თასს აწყობენ. მწვერვალზე ადგილი მხოლოდ ერთისთვისაა.
ჰოლივუდის ვარსკვლავი ტიმოთე შალამე კრავს გუნდს (ჯუდ ბელინგემი, ლამინ იამალი, ტრინიტი როდმანი), რათა ქუჩის დაუმარცხებელი მოთამაშეები დაამარცხონ. იქვე ჩნდებიან ზინედინ ზიდანი, დელ პიერო და ლეო მესი.
ბრაზილიურმა ბრენდმა აქცენტი ქვეყნის 24-წლიან საჩემპიონო შიმშილზე გააკეთა. ვიდეო გვიჩვენებს, რომ ბრაზილიაში ფეხბურთი ცხოვრებაა, კადრში კი ნაკრების ახალი მწვრთნელი კარლო ანჩელოტი და ლეგენდარული რონალდო ჩნდებიან.

თამარ თაბუკაშვილი
კომენტარები