სიახლეები
სეტანტა
სპორტის გურუ
ქვიზები
11 დღის წინ · 0 წთ წასაკითხად
-
Aa
+
ფონტის ზომა
დღეს, 11 ოქტომბერს, 22:45 საათზე ერთა ლიგის მე-3 ტურში უკრაინისა და საქართველოს ნაკრებების მატჩი გაიმართება. შეხვედრა პოლონეთის ქალაქ პოზნანში ჩატარდება.
უკრაინას დანაკლისი აქვს და რამდენიმე ლიდერი დააკლდება, საქართველო კი მატჩს ოპტიმალური შემადგენლობით ხვდება.
უკრაინის ნაკრებს დანაკლისი აქვს - რებროვის საბოლოო განაცხადი
ერთი დებიუტანტი - საქართველოს ნაკრების განაცხადი ოქტომბრის მატჩებისთვის
ერთა ლიგის B დივიზიონის პირველ ჯგუფს საქართველო ლიდერობს 6 ქულით. ჩვენმა ეროვნულმა გუნდმა პირველ ტურში თბილისში ჩეხეთი გაანადგურა 4-1, მეორე ტურში კი სტუმრად ალბანეთს გიორგი ქოჩორაშვილის გოლით სძლია 0-1.
უკრაინისთვის კი ერთა ლიგა ცუდად დაიწყო. პირველ შეხვედრაში რებროვის გუნდი ალბანეთთან დამარცხდა 1-2, მეორე დაპირისპირებაში კი ჩეხეთმა მოუგო 3-2 და ახლა გუნდი 0 ქულით ჯგუფში ბოლო ადგილზეა, არადა თავდაპირველად უკრაინელები ექსპერტების მიერ ჯგუფის ფავორიტადაც მიიჩნეოდნენ.
უკრაინა და საქართველო ისტორიაში 9-ჯერ შეხვდნენ ერთმანეთს, სადაც საკმაოდ ცუდი სტატისტიკა გვაქვს - 3 ფრე და 6 მარცხი.
გუნდები პირველად 1998 წელს ამხანაგურ მატჩში დაუპირისპირდნენ და უკრაინამ 4-0 გაიმარჯვა. ბოლო მატჩი კი ასევე ამხანაგურად შედგა 2015 წელს, სადაც საქართველო 2-1 დამარცხდა, ჩვენი მხრიდან გოლი მათე ვაწაძემ გაიტანა.
რაც შეეხება ოფიციალურ მატჩებს, პირველად 2004 წელს მსოფლიო ჩემპიონატის საკვალიფიკაციო ეტაპზე შედგა შეხვედრა, რომელიც უკრაინელებმა 2-0 მოიგეს, ბოლოს კი 2007 წელს ევროპის საკვალიფიკაციო ეტაპზე ჩატარებული მატჩი 1-1 დასრულდა, მაშინ დავით სირაძის გოლმა მოუტანა საქართველოს 1 ქულა.
დღეს ვილი სანიოლის გუნდს შანსი აქვს, რომ ნავსი გატეხოს და უკრაინასთან მე-10 ჯერზე ისტორიაში პირველი გამარჯვება მოიპოვოს. ამისთვის ყველა წინაპირობა არსებობს - მეტოქეს ერთა ლიგაზე ცუდი სტარტი აქვს, ოქტომბრის მატჩებისთვის ბევრი მოთამაშე აკლია, საქართველოს ნაკრებმა კი ჯგუფური ეტაპი საოცრად დაიწყო და ოპტიმალური შემადგენლობითაცაა, თუმცა ყველაფერი ხდება...
სანიოლი: "ფეხბურთელები მოუთმენლად ელიან შეხვედრას"
სავარაუდო შემადგენლობები
უკრაინა - ტრუბინი; კონოპლია, ზაბარნი, მატვიენკო, მიხაილიჩენკო; სუდაკოვი, ბუიალსკი, შაპარენკო; ზუბკოვი, დოვბიკი, მუდრიკი
საქართველო - მამარდაშვილი; კაკაბაძე, გველესიანი, კაშია, დვალი, ლოჩოშვილი; ჩაკვეტაძე, ქოჩორაშვილი, კიტეიშვილი; კვარაცხელია, მიქაუტაძე
მატჩის პირდაპირ რეპორტაჟს 22:45 საათზე საზოგადოებრივი მაუწყებლის პირველ არხზე იხილავთ.
თ
თაზო ჩარკვიანი
კომენტარები