ნისტელროი: "ლესტერთან მატჩის წინ ტენ ჰაგს ვესაუბრე"

რუუდ ვან ნისტელროის თქმით, ლესტერთან გუშინდელი სათასო მატჩის (5:2) წინ, მან ერიკ ტენ ჰაგს დაურეკა.

„მატჩის დაწყების წინ ტენ ჰაგს ველაპარაკე. კლუბში ჩემი დაბრუნებისას, მასთან პირველი გასაუბრებიდანვე ვიგრძენი, რომ მას მანჩესტერი უყვარს და კლუბის წინსვლა სურს.

მტკივნეულია, რომ მას წასვლა მოუწია, მაგრამ მისი მიღწევებით ვამაყობ." - აღნიშნა ნიდერლანდელმა მწვრთნელმა, რომელიც მანჩესტერში დროებით არის დანიშნული.

ტენ ჰაგმა მანჩესტერში გატარებულ 3 წელიწადში ორი ტიტული მოიგო - ინგლისის ლიგის თასი (კარაბაო) და ინგლისის თასი (FA).