სიახლეები
სეტანტა
სპორტის გურუ
ქვიზები
Copyright © 2023 Adjarabet Arena. All Rights Reserved.
-
Aa
+
ფონტის ზომა
საზაფხულო შესვენების შემდეგ ფორმულა 1 ნიდერლანდების გრან პრით დაბრუნდა. რბოლა პირველი პოზიციიდან ლანდო ნორისმა (მაკლარენი) დაიწყო, მეორე პოზიციაზე კი მაქს ვერსტაპენი (რედ ბული) იყო, რომელიც საკუთარ კედლებში ასპარეზობდა.
რბოლის სტარტზევე ბრიტანელმა მრბოლელმა პოზიცია დაკარგა და მაქსმა პირველ ადგილზე გადაინაცვლა, თუმცა მოგვიანებით ნორისმა პოზიცია დაიბრუნა და რბოლის ბოლომდე პირველობა შეინარჩუნა.
საბოლოოდ ლანდომ ვერსტაპენი 22.9 წამით ჩამოიტოვა და რბოლა დიდი უპირატესობით მოიგო. პოდიუმზე მე-3 ადგილი შარლ ლეკლერმა (ფერარი) დაიმსახურა.
აღსანიშნავია, რომ მაქს ვერსტაპენის კარიერაში ეს საიუბილეო მე-200 რბოლა იყო.
საბოლოოდ ნიდერლანდებში ათეული ასე დაკომპლექტდა
მრბოლელთა საჩემპიონო დავას 295 ქულით ვერსტაპენი ლიდერობს, 225 ქულით მეორე ადგილზე ლანდო ნორისია, მესამეზე კი შარლ ლეკლერია 192 ქულით.
კონსტრუქტორთა დავაში კი სიტუაცია უფრო დაძაბულია. ცხრილს 434 ქულით რედ ბული ლიდერობს, მაკლარენი კი ლიდერს 30 ქულით ჩამორჩება.
მომდევნო რბოლა 1 კვირაში იტალიაში გაიმართება, რომელსაც ლეგენდარული მონცას ტრასა უმასპინძლებს.
თ
თაზო ჩარკვიანი
კომენტარები