ოფიციალურად: ბარსელონამ შესნი გაიფორმა

ბარსელონას ოფიციალური გვერდის განცხადებით, ვოიცეხ შესნიმ კლუბთან კონტრაქტი სეზონის ბოლომდე გააფორმა.

34 წლის პოლონელი მეკარე ბარსელონაში უჩვეულო სიტუაციაში მივიდა. მან გასულ ზაფხულს კარიერის დასრულების შესახებ განაცხადა, თუცმა მარკ-ანდრე ტერ შტეგენის მძიმე ტრავმის შემდეგ კატალონიურ გუნდს მეკარე დასჭირდა, ვოიცეხ შესნი კი შეთავაზებას დათანხმდა და სეზონის ბოლომდე კარიერის აღდგენის გადაწყვეტილება მიიღო.

პოლონელს კარიერის განმავლობაში არსენალის, რომას და იუვენტუსის კარი დაუცავს.

ჯამში მას პროფესიონალ ფეხბურთელად 500 მატჩზე მეტი აქვს ჩატარებული, აქედან 75 ჩემპიონთა ლიგაზე. პოლონეთის ნაკრების შემადგენლობაში კი შესნიმ 84 შეხვედრა დააგროვა. მან ეროვნულ გუნდთან ერთად 2 მსოფლიო ჩემპიონატსა და 4 ევროპის ჩემპიონატზე მიიღო მონაწილეობა.