ოფიციალურად: ჩელსიმ ახალი გოლკიპერი დაიმატა

ჩელსიმ ვილიარეალის მეკარის, ფილიპ იორგენსენის ტრანსფერი ოფიციალურად დაადასტურა.

ლურჯებმა 22 წლის დანიელ გოლკიპერს 7-წლიანი კონტრაქტი გაუფორმეს.

ფაბრიციო რომანოს ინფორმაციით, იორგენსენის ტრანსფერი ჩელსის 24.5 მილიონი ევრო დაუჯდა.

იორგენსენმა ახალგაზრდულ კარიერაში არაერთი კლუბი გამოიცვალა, თუმცა 2017 წელს ვილიარეალში მოხვდა, სადაც მეორე გუნდის გავლით 2023-ში პირველ გუნდამდე დაწინაურდა.