ოფიციალურად: დინამო თბილისს ახალი მწვრთნელი ჰყავს

დინამო თბილისის ოფიციალური გვერდის განცხადებით, გუნდის ახალი მთავარი მწვრთნელი ვლადიმერ კაკაშვილი იქნება.

კაკაშვილი 2011-დან 2024 წლის ჩათვლით დინამოს აკადემიაში სხვადასხვა ასაკობრივი გუნდის მთავარ მწვრთნელად მუშაობდა. დინამო 2-თან ერთად კი ეროვნული ლიგა 2-ის საგზური მოიპოვა. 

დინამოში დაბრუნებამდე კაკაშვილი სამტრედიას მთავარ მწვრთნელად მუშაობდა. მან გუნდს 14 თამაშში უხელმძღვანელა, საიდანაც 4 მოიგო, 4 ფრედ დაასრულა და 6 შეხვედრაში დამარცხდა.

"დინამო ჩემი ოჯახია - აქ დაბრუნებით, რა თქმა უნდა, ძალიან გახარებული ვარ და დიდ პასუხისმგებლობას ვგრძნობ" - განაცხადა სპეციალისტმა.