ოფიციალურად: ტრეი იანგის გაცვლა დადასტურდა

ვაშინგტონ უიზარდსმა ოფიციალურად დაადასტურა, რომ ატლანტა ჰოუქსიდან ტრეი იანგი დაიმატა, სანაცვლოდ კი ჰოუკსში კორი კისპერტი და სიჯეი მაკკოლუმი გაუშვა. 

„გვიხარია, რომ ტრეი იანგს ვაშინგტონ უიზარდსში ვესალმებით,“ - განაცხადა გენერალურმა მენეჯერმა უილ დოუკინსმა.

„ტრეის დონის, მიღწევებისა და ასაკის მოთამაშის დამატება იშვიათი შესაძლებლობაა. ტრეი თამაშობს სანახაობრივ კალათბურთს და მოაქვს თავდაჯერებულობა და კონკურენტული სული, რამაც მას ამ ლიგაში გამოარჩევს.“

იანგმა ატლანტა ჰოუქსში რვა სეზონის განმავლობაში 493 მატჩში მიიღო მონაწილეობა (ყველა სასტარტო შემადგენლობაში).

2018 წლის NBA დრაფტში მეხუთე ნომრად არჩეული იანგის კარიერული საშუალო მაჩვენებლები ასეთი აქვს: 25.2 ქულა, 3.5 მოხსნა და 9.8 პასი მატჩში, ხოლო სროლის სიზუსტე - 43.2% თამაშიდან და 35.1% სამქულიანებში.

იანგი ერთ-ერთია ოთხ მოთამაშეს შორის, რომლებმაც ზედიზედ სეზონებში საშუალოდ 25+ ქულა და 10+ პასი დააფიქსირეს, ეს მან 2022–23 და 2023–24 სეზონებში შეძლო (ნიკოლა იოკიჩი, რასელ უესტბრუკი, ოსკარ რობერტსონი).